Menu

മാർച്ച്   2, 2022   

ED1പ്രിയ വായനക്കാരേ,

 

നിഷ്-ന്‍റെ എക്‌സിക്യൂട്ടീവ് ഡയറക്ടറായി ചുമതലയേല്ക്കാന്‍ കഴിഞ്ഞതില്‍ എനിക്ക് വളരെയേറെ സന്തോഷം ഉണ്ട്. ഗവൺമെന്റ് സെക്രട്ടേറിയറ്റിലെയും സാമൂഹ്യനീതി ഡയറക്ടറേറ്റിലെയും എന്റെ കനത്ത ഉത്തരവാദിത്തങ്ങളില്‍ നിന്നും വ്യത്യസ്തമായി, ഭിന്നശേഷിയുടേയും പുനരധിവാസത്തിന്റെയും മേഖലകളെ കുറിച്ച് ആഴത്തിൽ മനസ്സിലാക്കാനാണ് നിഷ് എനിക്ക് അവസരമൊരുക്കുന്നത്.

കഴിഞ്ഞ 24 വർഷത്തിനിടയിൽ, ആശയവിനിമയപ്രശ്നങ്ങളുള്ളവരുടെ പുനരധിവാസപ്രവര്‍ത്തനങ്ങളില്‍ ഗണ്യമായ വൈദഗ്ധ്യവും പ്രശസ്തിയും നേടിയിട്ടുള്ള ഈ സ്ഥാപനം അതിന്റെ രജതജൂബിലി വർഷത്തിൽ ഭിന്നശേഷി സേവനത്തിന്‍റെ എല്ലാ മേഖലകളിലും മികവിന്റെ കേന്ദ്രമായി ഉയർന്നുവരുമെന്ന് ഞാൻ പ്രതീക്ഷിക്കുന്നു.

നമുക്കറിയാം, കഴിഞ്ഞ 2 വർഷം ഏറെ വെല്ലുവിളികള്‍ നിറഞ്ഞതായിരുന്നു. ഈ മാറ്റത്തിന്റെ ഹേതുവായി പലരും കോവിഡ് 19നെ കണ്ടു. ജോർജ്ജ് ബെർണാഡ് ഷാ പറഞ്ഞതുപോലെ, "മാറ്റമില്ലാതെ പുരോഗതി അസാധ്യമാണ്", എന്നാൽ മാറ്റം വേദനാജനകമാണ്, മാറ്റത്തിന്റെ കാലഘട്ടത്തിൽ അതിനാകാതെ കുടുങ്ങിക്കിടക്കുന്നതാകട്ടെ അതിലും വലിയ വേദനയും.
ഭാഗ്യവശാൽ, കഴിഞ്ഞ 15 മാസങ്ങള്‍ ഞങ്ങളുടെ സേവനം ആവശ്യമുള്ളവര്‍ക്ക് ഏറ്റവും പ്രയോജന പ്രദമാകും വിധം ടെലി റീഹാബിലിറ്റേഷൻ സേവനങ്ങള്‍ പരിചയപ്പെടുത്തുന്നതിനും നിഷ്-ലെ അംഗങ്ങളെയും പ്രൊഫഷണലുകളെയും മികവുറ്റ ഓൺലൈന്‍ സേവനം നല്കാന്‍ പ്രാപ്തരാക്കാനും ഞങ്ങൾ നന്നായി ഉപയോഗിച്ചു. ഇന്ന് -ഒരു ഹൈബ്രിഡ് മോഡല്‍ സേവന രീതി ഉപയോഗിച്ചു കൊണ്ട് മുന്നോട്ട് പോകുകയാണ് ഞങ്ങൾ. ഭാവിയില്‍ ഈ മേഖലയില്‍ ഞങ്ങള്‍ കൂടുതല്‍ ശ്രദ്ധ പതിപ്പിക്കേണ്ടതുണ്ട്.

ഞങ്ങളുടെ ഡിപ്പാര്‍ട്ടുമെന്‍റുകളും സെന്‍ററുകളും കഴിഞ്ഞ 2 വർഷങ്ങള്‍ പല മികച്ച നേട്ടങ്ങള്‍ കൈവരിക്കുകയുണ്ടായി. അതില്‍ പ്രധാനപ്പെട്ട ചില നേട്ടങ്ങൾ എടുത്തുപറയട്ടെ.. DHI (ഡിഗ്രി-ഹിയറിങ് ഇംപയേർഡ്) ബംഗ്ളുരുവിലെ മ്യൂസിയം ഓഫ് ആർട്ട് ആൻഡ് ഫോട്ടോഗ്രാഫിയുമായി സഹകരിച്ച് ബധിരരായ കലാകാരന്മാര്‍ക്കായി.ഒരു ഓൺലൈൻ വാക് ത്രൂ ആർട്ട് എക്‌സിബിഷൻ സംഘടിപ്പിച്ചു.
ഒളിമ്പിക്‌സിനോടനുബന്ധിച്ച് സ്റ്റുഡന്റ്‌സ് യൂണിയനും ഫിസിക്കൽ എജ്യുക്കേഷൻ ഡിപ്പാർട്ട്‌മെന്റും ഒരു ക്വിസ് പ്രോഗ്രാം നടത്തി. ലോക പരിസ്ഥിതി ദിനത്തോട് അനുബന്ധിച്ച് ആവാസവ്യവസ്ഥ പുനഃസ്ഥാപിക്കുന്നത് അടിസ്ഥാനമാക്കിയുള്ള രണ്ട് മത്സരങ്ങൾ ഉൾപ്പെടെ നിരവധി പരിപാടികളും സ്റ്റുഡന്റ്‌സ് യൂണിയൻ നടത്തുകയുണ്ടായി..

നിഷിലെ സെന്റർ ഫോർ അസിസ്റ്റീവ് ടെക്‌നോളജി ആൻഡ് ഇന്നൊവേഷൻ, അസിസ്റ്റീവ് ടെക്നോളോജിയില്‍ ആറുമാസത്തെ ഓൺലൈൻ സർട്ടിഫിക്കറ്റ് പ്രോഗ്രാം വിജയകരമായി സംഘടിപ്പിച്ചു. ഇന്ത്യയില്‍ നിന്നും വിദേശത്തു നിന്നുമുള്ള പഠിതാക്കളും വിദഗ്ധരും ഈ പ്രോഗ്രാമില്‍ പങ്കെടുത്തു. 2021 ഓഗസ്റ്റ് മുതൽ ഭിന്നശേഷിക്കാര്‍ക്കായി അസിസ്റ്റീവ് ടെക്‌നോളജി-ആക്‌സസിബിലിറ്റി കൺസൾട്ടൻസി സേവനങ്ങളും അസിസ്റ്റീവ് ടെക്‌നോളജി പ്രാപ്‌തമാക്കിയ ലൈബ്രറി സേവനങ്ങളുമായി കേന്ദ്രം മുന്നോട്ട് പോകുന്നു.

ഓഡിയോളോജി ആന്‍ഡ് സ്പീച് ലാംഗ്വിജ് പതോളോജി വിഭാഗം ജൂണിൽ അഫേസിയ ബോധവത്കരണ മാസം ആചരിച്ചു. യുഎസ്എയിലെ പർഡ്യൂ യൂണിവേഴ്സിറ്റിയുമായി വെർച്വൽ സഹകരണത്തോടെ നിഷ്-യിലെ പിജി വിദ്യാർത്ഥികൾക്കായി പീഡിയാട്രിക് ഓഡിയോളജിയിൽ 4 പ്രതിമാസ ഓൺലൈൻ കോഴ്‌സ് ഡിപ്പാർട്ട്‌മെന്റ് സംഘടിപ്പിച്ചു. 2021 നവംബറിൽ ഇന്നോവേഷന്‍ ബൈ യൂത്ത് വിത്ത് ഡിസെബിലിറ്റീസ് (I-YwD) പ്രോജക്റ്റ്, പ്രോജക്ടില്‍ പങ്കെടുത്ത 21 ഭിന്നശേഷിക്കാര്‍ക്കായി അതിന്റെ ആദ്യത്തെ 'ബ്ലെൻഡഡ് ലേണിംഗ് പ്രോഗ്രാം' ആരംഭിച്ചു.
ഞങ്ങളുടെ അഭ്യുദയകാംക്ഷികളായ എല്ലാവരോടും അവരുടെ പിന്തുണയ്ക്കും സഹകരണത്തിനും ഞങ്ങൾ നന്ദി പറയുന്നു. ഭാവിയിലും ഊഷ്മളമായ ഈ ബന്ധം തുടരും എന്ന് ഞങ്ങൾ പ്രതീക്ഷിക്കുന്നു. നിഷ് അതിന്റെ 25-ാം വർഷത്തിലേക്ക് കടക്കുന്ന ഈ വേളയിൽ, വരുംവർഷങ്ങളിലേയ്ക്കായി കൂടുതല്‍ നല്ല പദ്ധതികള്‍ അവതരിപ്പിക്കാനുള്ള ശ്രമത്തിലാണ് ഞങ്ങള്‍. അതിനുള്ള ഒരുക്കങ്ങള്‍ക്ക് തുടക്കമിട്ടുകഴിഞ്ഞു.

എം. അഞ്ജന IAS

എക്സിക്യൂട്ടിവ് ഡയറക്ടർ

 

എക്സിക്യൂട്ടീവ് ഡയറക്ടര്‍

നാഷണല്‍ ഇന്‍സ്റ്റിറ്റിയൂട്ട്‌ ഓഫ് സ്‌പീച്ച്‌ ആന്റ് ഹിയറിങ്ങ്‌ (നിഷ്‌)
നിഷ് റോഡ്, ശ്രീകാര്യം പി.ഒ.,
തിരുവനന്തപുരം 695 017
ഇന്ത്യ

----------------------
ഡയറക്റ്റ്: +91-471-2944600;
ഫാക്സ്: +91-471-2944699
ജനറല്‍: +91-471-2944666/2596919
ഇ-മെയില്‍: exedir@nish.ac.in

Redressal


ദളിത് വിദ്യാർത്ഥികളോടുള്ള വിവേചനത്തിനെതിരെ
പരാതിപ്പെടുന്നതിന് മുകളിൽ ക്ലിക് ചെയ്യുക.

Connect with us

  • വിലാസം: നാഷണല്‍ ഇന്‍സ്റ്റിറ്റിയൂട്ട്‌ ഓഫ് സ്‌പീച്ച്‌ ആന്റ് ഹിയറിങ്ങ്‌, നിഷ്‌റോഡ്‌, ശ്രീകാര്യം പി.ഒ,
    തിരുവനന്തപുരം 695 017
  • സൈറ്റ്‌: www.nish.ac.inISO-logo-small
  • ഇ-മെയില്‍: nishinfo@nish.ac.in
  • ഫോണ്‍:  +91-471- 2944666, 2596919
  • Fax: +91-471- 2944699

    ഞങ്ങളെ ബന്ധപ്പെടാന്‍

Go to top
Copyright2014 All rights reserved. NISH, Trivandrum, India